ថ្ងៃអង្គារ ៣កើត ខែបុស្ស ឆ្នាំច សំរឹទ្ធិស័ក ព.ស ២៥៦៣ត្រូវនឹងថ្ងៃទី ០៨ ខែមករា ឆ្នាំ​២០១៩ មន្ទីរកសិកម្ម រុក្ខាប្រមាញ់​ និងនេសាទ ខេត្តកំពង់ឆ្នាំងមានសកម្មភាព ៖
       ១-បានចុះផ្សព្វផ្សាយច្បាប់ និងផ្តល់លិខិតអនុញ្ញាតអាជីវកម្មពិឃាតសត្វឆ្នាំ២០១៩ នៅសាលាស្រុករលាប្អៀរ។
       ២-បានប្រជុំពិនិត្យឡេីងវិញនូវសកម្មភាពដែលបានអនុវត្តក្នុងឆ្នាំ២០១៨​ និងចុះពិនិត្យ​លទ្ធផល​អនុវត្ត​ការងារ​របស់​គម្រោង​ជំរុញផលិតកម្មស្បៀងជាមួយ​ក្រុម​ការងារ​គម្រោង​ថ្នាក់ជាតិ ដើម្បីលើកផែនការនិងពង្រឹងការងារគម្រោងឆ្នាំ២០១៩​  ដែលមានអ្នកចូលរួមចំនួន​ ១៥នាក់​ ស្រី​ចំនួន​ ០៣នាក់។
       ៣-ខណ្ឌរដ្ឋបាលជលផលកំពង់ឆ្នាំងបានសហការណ៍ជាមួយ ខណ្ឌរដ្ឋបាលជលផលកំពង់ចាម គណះបញ្ជាការឯកភាពស្រុកកំពង់ត្រឡាច និងស្រុកកំពង់លែងបានចុះបង្រ្កាបបទល្មើសនេសាទ នៅចំណុចព្រំប្រទល់ខេត្តកំពង់ឆ្នាំងនិងកំពង់ចាម និងចំណុចវាលភក់ស្រុកកំពង់លែង កំលាំងសរុប៤៥នាក់ មធ្យោបាយកាណូត១០គ្រឿង។ ដោយបានរុះរើរបាំងស្បៃមុងចំនួន៨៦កន្លែងស្មើនឹង៣៣០០ម, លបលូចំនួន៩២គ្រឿង, បង្គោលចំនួន១៥០០ដើម, លបប្រើស១០០ ចំនួន១១៥ខ្សែ ស្មើនឹង៤៦០លប, កាណុងចំនួន១០០, ត្រីចំរុះ៦៤២គ.ក្រ។