ថ្ងៃព្រហស្បតិ៍​ ២កើត ខែផល្គុន ឆ្នាំចសំរឹទ្ធស័ក ព.ស២៥៦២ត្រូវនឹងថ្ងៃទី០៧ ខែមីនា ឆ្នាំ២០១៩ ការិយាល័យកសិកម្មស្រុករលាប្អៀរ បានសហការជាមួយអង្គការពន្លឺកុមារ (កម្មវិធីAspire) បានដឹកនាំក្រុមកសិករសរុបចំនួន១០នាក់ ស្រី១នាក់ ក្នុងមានស្រុករលាប្អៀរចំនួន៤នាក់ ស្រុកទឹកផុស៦នាក់មកចូលរួមទស្សនះកិច្ចសិក្សា ស្តីពីការអនុវត្តន៍ល្អលើអាជីវកម្មភ្ញាស់កូនមាន់ នៅស្រុករតនះមណ្ឌល ខេត្តបាត់ដំបង :
-កសិករឈ្មោះ យ៉េន សុខេន នៅភូមិអូរឃ្មុំ ឃុំរស្មីសង្ហារ ស្រុករតនះមណ្ឌល មានមេមាន់ចំនួន១០០ក្បាល និងបាចំនួន២០ក្បាល។
-កសិករឈ្មោះ គង់ ស្រីនាង នៅភូមិបាណន់៣ ឃុំស្តៅ ស្រុករតនះមណ្ឌល មានមេមាន់ចំនួន៥០ក្បាល និងបាចំនួន៨ក្បាល ។ 
ដំណើរការទស្សនះកិច្ចនេះមានគោលបំណង :
-ដើម្បីរៀនសូត្របទពិសោធន៍អនុវត្តល្អ កត្តានាំអោយជោគជ័យ សម្រាប់ការធ្វើអាជីវកម្មភ្ញាស់កូនមាន់
-កំណត់កត្តាជោគជ័យនិងកត្តាប្រឈមសំខាន់ក្នុងការភ្ជាប់ទំនាក់ទំនងផលិតផលកូនមាន់លក់ទៅកាន់ទីផ្សារ ។