ថ្ងៃព្រហស្បតិ៍ ៦រោច ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៩ ខែកញ្ញា ឆ្នាំ២០១៩ ខណ្ឌរដ្ឋបាលព្រៃឈើកំពង់ត្រឡាច បានចុះផ្សព្វផ្សាយលិខិតលេខ.១៣៤៨.សជណ.កឆ.ចុះថ្ងៃទី១២ ខែកញ្ញា ឆ្នាំ២០១៩ របស់ទីស្ដីការគណះរដ្ឋមន្ត្រី "ស្ដីពីវិធានការអនុវត្តបន្តរបស់គណះកម្មាធិការជាតិដើម្បីទប់ស្កាត់លុបបំបាត់និងបង្ក្រាបការកាប់ដុតឈូសឆាយនិងហ៊ុមព័ទ្ធដីព្រៃឈើដើម្បីវាតយកដីធ្វើកម្មសិទ្ធិនៅតាមបណ្ដាខេត្តមួយចំនួននៃព្រះរាជាណាចក្រកម្ពុជា"​ ក្រោមអធិបតីភាពដោយឯកឧត្តម ហម រ៉ាវុធ អនុប្រធានរដ្ឋបាលព្រៃឈើនៃក្រសួងកសិកម្ម រុក្ខាប្រមាញ់ និងនេសាទ ដែលប្រារព្ធធ្វើនៅបរិវេណវត្តច្រកស្ដេច ភូមិច្រកស្ដេច ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ដោយមានប្រជាពលរដ្ឋចូលរួមចំនួន១០៥នាក់។