ថ្ងៃព្រហស្បតិ៍ ៦រោច ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៩ ខែកញ្ញា ឆ្នាំ២០១៩  លោក ជា សុផុន ប្រធានការិយាល័យក្សេត្រសាស្ត្រ និងផលិតភាពកសិកម្ម និងទីប្រឹក្សាតាមដានវាយតម្លៃ បានចុះតាមដាន  ត្រួតពិនិត្យ  ការបញ្ចូលទិន្ន័យរបស់ភ្នាក់ងារផ្សព្វផ្សាយឃុំ នៅស្រុកសាមគ្គីមានជ័យ  ទៅក្នុងប្រព័ន្ធគ្រប់គ្រងព័ត៌មាន(MIS)  និងបានពន្យល់  ណែនាំបន្ថែមអំពីនីតិវិធី  មួយចំនួន  ដេីម្បីអោយការបញ្ចូលទិន្ន័យបានលឿន  ប្រកបដោយគុណភាព។ ជាមួយនេះដែរ  ក្រុមការងារក៏បានបង្ហាញនិងណែនាំដល់ភ្នាក់ងារផ្សព្វផ្សាយឃុំ ទាំងអស់អោយចេះស្វែងរកនិងប្រេីប្រាស់  ព័ត៌មានពីមជ្ឈមណ្ឌលព័ត៌មាន  (Extension hub)  ដែលបានបង្កេីតសម្រាប់ចែករំលែកបទពិសោធន៍បច្ចេកទេសពីការងារកសិកម្មទៅដល់ប្រជាកសិករ ដែលគាំទ្រដោយកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ(ASPIRE)។