ថ្ងៃពុធ ១១កើត ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៩ ខែតុលា ឆ្នាំ២០១៩ លោក ជា សុផុន ប្រធានការិយាល័យក្សេត្រសាស្ត្រ និងផលិតភាពកសិកម្ម ព្រមទាំងអ្នកស្រី កែវ ចរិយា ទីប្រឹក្សាគ្រប់គ្រង បានចូលរួមកិច្ចប្រជុំពហុភាគីពាក់ពន្ធ័ទីផ្សារមាន់ផលិតមាន់យកសាច់ ដែលរៀបចំដោយអង្គការពន្លឺកុមារ(PK) ក្នុងឧបករណ៍ កិច្ចសន្យាជួលខាងក្រៅ(contracting out) នៅភូមិទួលសំរោង ឃុំក្រាំងស្គារ ស្រុកទឹកផុស ខេត្តកំពង់ឆ្នាំង ដែលមានអ្នកចូលរួមសរុប៣១នាក់ ស្រី២៩នាក់ ដែលគាំទ្រដោយកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ(ASPIRE) ហើយកិច្ចប្រជុំក្នុងគោលបំណង៖ផ្តោតទៅលេីការចរចារជាមួយៈ -អ្នកលក់ធាតុចូលសម្រាប់ការចិញ្ចឹមមាន់ និង-អ្នកប្រមូលទិញមាន់។ ជាលទ្ធផល៖ អ្នកលក់ធាតុចូលការចិញ្ចឹមមាន់ បានព្រមព្រៀងលក់ធាតុចូលគ្រប់ប្រភេទបញ្ចុះតម្លែចន្លោះពី៥០០ទៅ៣០០០រៀល សម្រាប់រយៈពេល៣ ខែ គឺខែវិច្ឆកា ២០១៩ ដល់ ខែមករា ២០២០ ហើយចំពោះអ្នកប្រមូលទិញមាន់សាច់វិញទិញក្នុងតម្លៃ ១៧០០០រៀលក្នុង១គីឡូក្រាម សម្រាប់រយះពេល៣ខែដូចអ្នកលក់ធាតុចូលដែរ ក្នុងបរិមាណ៥០គីឡូក្រាម រៀងរាល់ពីរសប្តាហ៍ម្តង ដោយទូទាត់លុយដល់ដៃភ្លាមៗជូនអ្នកលក់។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម