ថ្ងៃចន្ទ ៥កើត ខែបុស្ស ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី៣០ ខែធ្នូ ឆ្នាំ២០១៩ លោក តូច ប៉ូច ប្រធានការិយាល័យអភិវឌ្ឍន៍​សហគមន៍​កសិកម្ម បានចូលរួមមហាសន្និបាតកំណើតដំបូងរបស់សម្ព័ន្ធសហគមន៍​កសិកម្មកម្ពុជា(CACA) ក្រោមអធិបតីភាពដោយឯកឧត្តម ងិន ឆាយ ប្រតិភូរាជរដ្ឋាភិបាល​ទទួលបន្ទុកអគ្គនាយកនៃអគ្គនាយកដ្ឋានកសិកម្ម របស់ក្រសួងកសិកម្ម រុក្ខាប្រមាញ់​ និងនេសាទ ដែលមានរយះពេល២ថ្ងៃ ហើយមានអ្នកចូលពីអង្គការសង្គមស៉ីវិល មន្ទីរកសិកម្ម រុក្ខាប្រមាញ់ និងនេសាទ សហគមន៍កសិកម្ម និងសហភាពសហគមន៍កសិកម្ម(២៥រាជធានី-ខេត្ត) សរុបចំនួន៣៥០នាក់ នៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) រាជធានីភ្នំពេញ ក្នុងគោលបំណង៖-បោះឆ្នោតជ្រើស​រើសរចនាសម្ព័ន្ធ​ដឹកនាំសម្ព័ន្ធសហគមន៍កសិកម្មកម្ពុជា​(CACA) -ពិនិត្យ និងពិភាក្សា​អនុម័តលក្ខន្តិកៈ បទបញ្ជាផ្ទៃក្នុង និងឯកសារសំ​ខាន់ៗ​មួយចំនួនទៀតរបស់សម្ព័ន្ធសហគមន៍កសិកម្ម​កម្ពុជា និង-​ចុះបញ្ជីសម្ព័ន្ធសហគមន៍កសិកម្ម​។។ ដែលរៀបចំដោយ៖អគ្គនាយកដ្ឋានកសិកម្ម និងសហការឧបត្ថម្ភដោយ សម្ព័ន្ធសហករណ៍អាលឺម៉ង់(DGRV) អង្គការHEIFER៕