ថ្ងៃព្រហស្បតិ៍​ ៩រោច ខែចេត្រ ឆ្នាំជូត ទោស័ក ព.ស. ២៥៦៣ ត្រូវនឹង ថ្ងៃទី១៦ ខែមេសា ឆ្នាំ២០២០​ ​លោក ងិន ហ៊ុន ប្រធានមន្ទីរកសិកម្ម​ រុក្ខាប្រមាញ​ និងនេសាទខេត្តកំពង់ឆ្នាំង​ បានដឹកនាំមន្ត្រី ចុះអមដំណេីរប្រតិភូក្រសួងកសិកម្ម​ រុក្ខាប្រមាញ​ និងនេសាទ​ ដឹកនាំដោយលោក​ ឃី​ វិសាល​ អគ្គលេខាធិការង​ បានចុះពិនិត្យតំបន់សក្តានុពលដាំបន្លែនៅភូមិត្រពាំងក្រពេី​ ឃុំទឹកហូត​ ស្រុករលាប្អៀរ​ ដេីម្បីសិក្សាពីស្ថានភាពជាក់ស្តែងក្នុងការជំរុញការដាំដុះបន្លែ​ ធ្វេីយ៉ាងណាជួយកសិក​រ​ អោយមានលទ្ធភាពដាំបន្លែបានពេញមួយរដូវ​ សម្រាប់ផ្គត់ផ្គង់តម្រូវការទីផ្សារក្នុងស្រុក​ ក្នុងខណ:ពេលដែលប្រទេសជាតិ​ ក៏ដូចជាសកលលោកទាំងមូលដែលកំពុងប្រឈមទៅនឹងការរីករាលដាលនៃជំងឺកូវីត១៩​ ។ បន្ទាប់មកប្រតិភូនិងក្រុមការងារបានបន្តដំណេីរទៅពិនិត្យស្ថានភាពដាំដុះដំណាំបន្លែនៅភូមិ​ កំពង់ត្រឡាចក្រោម​ ឃុំកំពង់ត្រឡាច​ ស្រុកកំពង់ត្រឡាច​ ក្នុងន័យជួយគាំទ្របច្ចេកទេស​ និងប្រពន្ធ័ស្រោចស្រព​ សំដៅធ្វេីយ៉ាងណាអោយសហគមន៍កសិកម្ម​ និងកសិករផលិតបន្លែ​ អាចដាំនប្លែបានពេញមួយរដូវ​ ។ ក្រោយពីបានពិនិត្យ​ស្ថានភាពនិងជួបជាមួយកសិករ​ និងអាជ្ញាធរមូលដ្ឋានរួចមក​ ប្រតិភូក្រសួងកសិកម្ម​ បានជម្រាបជូនកសិករថានឹងយកបញ្ហាខ្វះខាតទឹកនិងប្រពន្ធ័ស្រោចស្រព​ ទៅសិក្សាលម្អិត​ និងពិនិត្យលទ្ធភាព​ ក្នុងការឆ្លេីយតបជូនកសិករវិញនាពេលដ៏ឆាប់ខាងមុខនេះ​។