ថ្ងៃព្រហស្បតិ៍  ២កើត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី២៣ ខែមេសា ឆ្នាំ២០២០ ការិយាល័យក្សេត្រសាស្រ្ត  និងផលិតភាពកសិកម្ម  បានចុះពិនិត្យការដាំដុះដំណាំស្រូវបង្កេីនរដូវនៅតាមបណ្តាឃុំក្នុងស្រុកជលគីរី  ខេត្តកំពង់ឆ្នាំង ដោយសហការជាមួយការិយាល័យកសិកម្មស្រុក និងអជ្ញាធរមូលដ្ឋាន ទទួលបានលទ្ធផលដូចខាងក្រោមៈ  គិតមកត្រឹមថ្ងៃនេះការដាំដុះស្រូវបង្កេីនរដូវទូទាំងស្រុក  អនុវត្តន៍បានសរុបចំនួន  ២ ១៨០ហិកតា  ក្នុងនោះឃុំកោះថ្កូវ  ៧៥០ហិកតា ឃុំព្រៃគ្រី ៦៨០ហិកតតា ឃុំជលសា ៣៦០ហិកតា ឃុំពាមឆ្កោក ២២០ហិកតា និងឃុំកំពង់អុស ១៧០ហត ជាទូទៅកសិករដាំដុះពូជ  នាំចូលពីវៀតណាមគឺពូជ អ៉ីអែ៥១ និង៥៤  ដែលកំពុងស្ថិតក្នុងដំណាក់ពន្លក  និងលូតលាស់  ។ ចំពោះប្រភពទឹកគឺពីបឹងនិងទន្លេរ  ព្រមទាំទឹកភ្លៀងផ្សំផង អាចនឹងមិនចោទជាបញ្ហាទេ ចំពោះការបំផ្លាញពីកត្តាចង្រៃ គឺបច្ចុប្បន្នមានពពួកសត្វកណ្តុរ ស៊ីបំផ្លាញ  តែកសិករបាន និងកំពុងប្រេីកៅស៊ូផ្លាស្ទិចជាមធ្យោបាយទប់ស្កាត់ការបំផ្លាញនេះ រីឯការលូតលាស់ស្ថិតក្នុងស្ថានភាពធម្មតា។