ថ្ងៃសុក្រ ១កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២២ ខែឧសភា ឆ្នាំ២០២០​ លោក ជា សុផុន ប្រធានការិយាល័យក្សេត្រសាស្ត្រ និងផលិតភាពកសិកម្ម បានចូលរួម វេទិកាពហ៊ុអ្នកពាក់ព័ន្ធ​ នៃបណ្តុំអាជីវកម្មចិញ្ចឹមមាន់យកសាច់​ នៅភូមិត្រពាំងស្រងែ​ ឃុំខ្នាឆ្មា​ ស្រុកសាមគ្គីមានជ័យ ខេត្តកំពង់ឆ្នាំង​ ក្រោមកិច្ចសម្របសម្រួលដោយមន្រ្តីជំនាញរបស់អង្គការ​ពន្លឺកុមារ​ ដែលជាសកម្មភាពជួលអ្នកខាងក្រៅ​ មួយក្នុងចំណោមឧបករណ៍ទាំង៥នៃកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ​(ASPIRE) ដែលមានការចូលរួមពីអាជ្ញាធរមូលដ្ឋាន​ និងសមាជិកបណ្តុំ​ សរុបចំនួន៣៨នាក់​ ស្រី​៨នាក់។ លទ្ធផល​លនៃកិច្ចប្រជុំពិភាក្សានេះ​គឺៈ១-សមាជិកបណ្តុំបានឯកភាពទៅលេីតម្លៃចរចារបស់អ្នកលក់ធាតុចូលសម្រាប់ផលិតកម្មមាន់យកសាច់​ ២-សមាជិកបានព្រមព្រាងធ្វេីកិច្ចសន្យាលក់មាន់អោយឈ្មួញចនួន៨០គ.ក្រ/ថ្ងៃ​ ក្នុងតម្លៃ​ ១៨​ ០០០រៀល​/គ.ក្រ​ ដោយឈ្មួញមកទិញដល់ផ្ទះ​ និង​ ម្លៃ​ ២០​ ០០០រៀល/គ.ក្រ​ ពេលយកទៅដល់ផ្សារសាលាលេខ៥ កិច្ចសន្យានេះមានប្រសិទ្ធភាពចាប់ពីថ្ងៃទី០១ខែកញ្ញា​ ដល់ថ្ងៃទី៣០ខែវិច្ឆិកាឆ្នាំ២០២០​ ។