ថ្ងៃព្រហស្បតិ៍ ៩កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៧ ខែសីហា ឆ្នាំ២០២០ ការិយាល័យអភិវឌ្ឍន៍សហគមន៍កសិកម្ម បានប្រជុំពិភាក្សាស្តីពីការរៀបចំផ្សារសហគមន៍កសិកម្មខេត្តកំពង់ឆ្នាំងឡើងវិញ ក្រោមការដឹកនាំដោយលោក វង្ស សារិនដា នាយកសមាគមសហករណ៍កម្ពុជាCAC ដែលមានអ្នកចូលរួមពីគណ:កម្មការបណ្តាញអាជីវកម្មសហគមន៍កសិកម្មខេត្តកំពង់ឆ្នាំង សហគមន៍កសិកម្មចំនួន១៥សហគមន៍ សរុបចំនួន ៣០នាក់ ក្នុងគោលបំណង៖ កំណត់ឈ្មោះសហគមន៍កសិកម្មយកផលិតផលមកលក់រួមគ្នា, ស្រង់ឈ្មោះផលិតផលដែលសហគមន៍កសិកម្មនិមួយៗយកមកលក់, ពិភាក្សាការធ្វើកន្លែងលក់(ការសង់រោងបន្ថែម និងធ្វើតុដាក់លក់), កំណត់តម្លៃបរិស្ថានអោយទៅផ្សារ, ចាប់ឆ្នោតជ្រើសរើសយកទីតាំងសម្រាប់ដាក់តុលក់ទៅតាមសហគមន៍កសិកម្មនិមួយៗ ជាលទ្ធផលនិងការឯកភាពគ្នា៖ ការៀបចំទីតាំងស្របតាមទូកុងទីន័រពីលិចមកកើតដោយទំហំតុមួយ(បណ្តោយ២មែត្រ ទទឹង១.៥ម៉ែត្រ និងកំពស់០.៨ម៉ែត្រ ផ្ទៃខាងលើមានការ៉ូ និងមានទ្វារខ្លប់ពីខាងក្រោយ) ហើយការធ្វើតុដាក់ផលិតផលលក់នេះជាបន្ទុករបស់សហគមន៍កសិកម្មនិមួយៗ, សង់រោងបន្ថែមទៀតពង្រីកមកខាងត្បូងដែលមានទំហំ(បណ្តោយ១២ម៉ែត្រ ទទឹង១០ម៉ែត្រ និងកំពស់៤ម៉ែត្រ) ជាបន្ទុករបស់សមាគមសហករណ៍កម្ពុជាCAC ហើយទាំងតុនិងរោង ធ្វើការប្រកាសដេញថ្លៃអោយជាងធ្វើចាប់ពីថ្ងៃទី២៧ ខែសីហា ឆ្នាំ២០២០ រហូតដល់ថ្ងៃទី០៧ ខែកញ្ញា ឆ្នាំ២០២០ ដែលមានគណ:កម្មការបណ្តាញបើកកញ្ចប់ដែលជាងដាក់ដេញថ្លៃ, កំណត់យកតម្លៃ៣០០០៛ក្នុង១តុក្នុង១ថ្ងៃ, លទ្ធផលចាប់ឆ្នោតយកទីតាំងដោយ៖១.តុលេខ១ បានទៅលើACក្រាំងលាវសាមគ្គី, ២.តុលេខ២ បានទៅលើACព្រៃមូលជ្រៃបាក់រីកចំរើន, ៣.តុលេខ៣ បានទៅលើACពោធិ៍កង្រី, ៤.តុលេខ៤ បានទៅលើACបឹងលាជសំបូរផល, ៥.តុលេខ៥ បានទៅលើACភ្នំតូចសាមគ្គី, ៦.តុលេខ៦ បានទៅលើACព្រែកគន្លងមានជ័យ, ៧.តុលេខ៧ បានទៅលើACជ្រៃបាក់អភិវឌ្ឍន៍, ៨.តុលេខ៨ បានទៅលើACរលាប្អៀរមានជ័យ, ៩.តុលេខ៩ បានទៅលើACអណ្តូងប្រេងក្រាំងលាវ, ១០.តុលេខ១០ បានទៅលើACបន្ទាយព្រាលពន្លឺថ្នី, ១១.តុលេខ១១ បានទៅលើACពានីរុងរឿង, ១២.តុលេខ១២ បានទៅលើACជៀបសន្តិភាពស្ត្រីក្លាហាន, ១៣.តុលេខ១៣ បានទៅលើACអភិវឌ្ឍន៍មានជ័យ, ១៤.តុលេខ១៤ បានទៅលើACទឹកហូតមានជ័យក្តីសង្ឃឹម,១៥.តុលេខ១៥ បានទៅលើACជួយកសិករពន្លឺថ្មី ហើយតម្លៃផលិតផលលក់តាមតម្លៃផ្សារដែលបានកំណត់។