ថ្ងៃចន្ទ ១០កើត ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៦ ខែតុលា ឆ្នាំ២០២០ ការិយាល័យផលិតកម្ម និងបសុព្យាបាល បានបើកវគ្គបណ្តុះបណ្តាលដល់កសិករស្តីពីការចិញ្ចឹមមាន់សាច់ និងមាន់ភ្ញាញ់ យកកូនរបស់គម្រោងសន្តិសុខស្បៀងសម្រាប់កសិករក្រីក្រផ្នែកសុខភាពសត្វ និងផលិតកម្មសត្វ មានកសិករចូលរួម ២៧នាក់ (ស្រី ១៥នាក់ ) ក្រោមការដឹកនាំរបស់បណ្ឌិត សួន សុធឿន អគ្គនាយករង និងជានាយកគម្រោង នៅការិយាល័យផលិតកម្ម និងបសុព្យាបាល ក្នុងគោលបំណង៖ បង្កើនប្រាក់ចំណូលដល់គ្រួសារកសិករក្រីក្រ តាមរយ:ការចិញ្ចឹមបង្ហាញ ការផ្តល់បច្ចេកទេសចិញ្ចឹម និងការកែប្រែពូជមាន់ក្នុងស្រុកដែល ប្រើរយះពេលខ្លី ហើយធំលឿន និងតម្រូវតាមទីផ្សារ។