ថ្ងៃសុក្រ ៤កើត ខែបុស្ស ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៨ ខែធ្នូ ឆ្នាំ២០២០ ខណ្ឌរដ្ឋបាលជលផលកំពង់ឆ្នាំង បានចុះបង្ក្រាបបទល្មើសនេសាទក្នុងរដូវបើកនេសាទ នៅចំណុចព្រែកឆ្ដោរ រាំឡេក ភូមិព្រែកឆ្ដោរ ឃុំកំពង់អុស និងចំណុចវាលភក់ ឃុំផ្លូទូក ដោយប្រើប្រាស់កម្លាំងសរុបនាក់ ៤៣នាក់ និងមធ្យោបាយបាឡា ១២គ្រឿង ដែលបានរុះរេីរ និងប្រមូលវត្ថុតាងរួមមាន៖ របាំងសាច់អួនចំនួន ០៩កន្លែង ប្រវែង ១ ០០០ម៉ែត្រ លបលូ ២៧មាត់, របាំងស្បៃមុងចំនួន ០៧កន្លែង ប្រវែង ៤០០ម៉ែត្រ លបលូ ០៧មាត់ បង្គោល ៦០០ដើម និងលែងត្រីក្នុងដែននេសាទវិញចំនួន ១៥០គីឡូក្រាម។