ថ្ងៃព្រហស្បតិ៍ ០៧កើត ខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៨ ខែកុម្ភៈ ឆ្នាំ២០២១ ការិយាល័យផលិតកម្ម និងបសុព្យាបាល បានសហការណ៍ជាមួយពេទ្យសត្វស្រុករលាប្អៀរ អាជ្ញាធរភូមិ ឃុំ និងពេទ្យសត្វភូមិក្នុងឃុំប្រស្នឹប បានចុះអន្តរាគមន៍ទប់ស្កាត់ជម្ងឺអុតក្តាម និងផ្តល់ការព្យាបាលបង្ហាញនៅភូមិព្រៃសំពៅ និងភូមិសាអង ឃុំប្រស្នឹប ស្រុករលាប្អៀរ ខេត្តកំពង់ឆ្នាំង ក្នុងគោលបំណង៖ ធ្វើការព្យាបាលបង្ហាញ និងណែនាំម្ចាស់សត្វពីផលប៉ះពាល់ ការឆ្លងរាលដានជម្ងឺអុតក្តាម។ ជាលទ្ធផល៖ -បានផ្តល់បច្ចេកទេសនៃការទប់ស្កាត់ការរីករាលដានជម្ងឺអុតក្តាម ធ្វើជីវសុវត្ថិភាព និងអនាម័យកន្លែងចិញ្ចឹម -បានផ្តល់ថ្នាំប្លូមេទីឡែនដល់កសិករចំនួន៣៥គ្រួសារ និងធ្វើការព្យាបាលបង្ហាញចំនួន៤ក្បាល -នៅភូមិព្រែកសំពៅសត្វឈឺសរុប២៨៦ក្បាល(ក្របី១ក្បាល) ព្យាបាលជាចំនួន២៣៣ក្បាល កំពុងព្យាបាលចំនួន៤៥ក្បាល ងាប់កូនគោចំនួន៨ក្បាល(ក្របី១ក្បាល) -នៅភូមិសាអងមានសត្វឈឺសរុបចំនួន៥១ក្បាល(ក្របី៨ក្បាល) ព្យាបាលជាចំនួន៤៦ក្បាល(ក្របី៥ក្បាល) កំពុងព្យាបាលចំនួន៤ក្បាល(ក្របី៣ក្បាល) ងាប់កូនគោចំនួន១ក្បាល ហើយ+បញ្ជាក់សត្វដែលងាប់ភាគច្រើនម្ចាស់លេងទៅវាល និងព្រៃហើយម្ចាស់មិនដឹងសត្វឈឺទេ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម