ថ្ងៃចន្ទ ៦កើត ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៧ ខែឧសភាឆ្នាំ២០២១ លោកស្រី ម៉ក់ សុខឌី អនុប្រធានការិយាល័យផលិតកម្ម និងបសុព្យាបាលខេត្ត និងមន្ត្រី បានចុះជ្រើសរើសទីកន្លែងសាងសង់ទ្រុងមាន់ របស់គម្រោងសន្តិសុខស្បៀងសម្រាប់កសិករក្រីក្រ(2KR) ជូនកសិករបង្ហាញចំនួន ៥គ្រួសារ ស្ថិតនៅឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ក្នុងគោលបំណង៖ ត្រួតពិនិត្យ និងកំណត់ទីតាំងជាក់លាក់ សំរាប់សាងសង់ទ្រុងមាន់ និងលើកទឹកចិត្តអោយគាត់ខិតខំប្រឹងប្រែងផលិតស្បៀងសម្រាប់ផ្គត់ផ្គង់ជីវភាពគ្រួសារប្រចាំថ្ងៃក្នុងអំឡុងពេលប្រទេសសកម្ពុជា ក៏ដូចជាសកលលោកជួបវិបត្តិសេដ្ឋកិច្ចដោយសារជម្ងឺ Covid-19 ជាលទ្ធផល៖ បានជ្រើសរើសទីតាំងជូន៖ កសិករ ឡុង ស៊ីណាង ស្ថិតនៅភូមិសិឡាង, កសិករ គឹម ស៊ីណាត ស្ថិតនៅភូមិធ្នង់កំបុត, កសិករ សៀង ចន្ថា ស្ថិតនៅភូមិចិន, កសិករ ហ៊ឹម សំហឿន និង អ៊ុក សុភាព ស្ថិតនៅភូមិស្វាយចេក។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម