ថ្ងៃសុក្រ ១០កើត ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២១ ខែឧសភា ឆ្នាំ២០២១ លោក ហ៊ុន លី  អនុប្រធានការិយាល័យផលិតកម្ម និងបសុព្យាបាល បានដឹកនាំមន្ត្រី សហការជាមួយមន្ត្រីស្រុក ចុះត្រួតពិនិត្យទីសត្តឃាត និងកសិដ្ឋានចិញ្ចឹមសត្វបានចំនួន ៣កសិដ្ឋាន ស្ថិតនៅស្រុកបរិបូណ៏ ខេត្តកំពង់ឆ្នាំង ក្នុងគោលបំណង៖ ដើម្បីសុវត្ថិភាពសាច់សត្វ និងសុខភាពសាធារណ: តាមរយ:ការត្រួតពិនិត្យអនាម័យសត្វ សាច់និងជីវសុវត្ថិភាពកន្លែងពិឃាត និងកន្លែងចិញ្ចឹមសត្វ ជាលទ្ធផល : បានត្រួតពិនិត្យ៖ កសិដ្ឋានចិញ្ចឹមទាពង ឆែម សុធី នៅភូមិតាបាង ឃុំចក មានទា ៣ ៥០០ក្បាល ពងក្នុង១ថ្ងៃ= ២ ៧០០គ្រាប់, សេង សុវណ្ណ នៅភូមិស្វាយគយ ឃុំពន្លៃ មានទា ៤ ០០០ក្បាល ពងក្នុង១ថ្ងៃ= ៣ ២០០គ្រាប់ (១គ្រាប់លក់បានតម្លៃ ៣០០រៀល), កសិដ្ឋានចិញ្ចឹមមាន់ យឺន ផានី នៅភូមិផ្សារ ឃុំផ្សារ មានមាន់ ៣សាសន៍ ៤០ ០០០ក្បាល និងកសិករចិញ្ចឹមជ្រូក ហុក សំអាត មានជ្រូកមេ ១២ក្បាល កូន ៤៥ក្បាល សាច់ ៣៥ក្បាល (សាច់ជ្រូករស់លក់បាន១៣ ៥០០រៀលក្នុង១គីឡូក្រាម) និងពិនិត្យទីសត្តឃាត ទិត្យ គីន នៅភូមិស្វាយគយ ឃុំពន្លៃ៕