ថ្ងៃអង្គារ ៨រោច ខែស្រាពណ៌ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣១ ខែសីហា ឆ្នាំ២០២១ កញ្ញា ហេង គឹមស្រៀង អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង និងសហការី ព្រមទាំងទីប្រឹក្សា ASPIRE បានចូលរួមពិធីគាំទ្រទុនសហវិនិយោគ ដល់បណ្តុំអាជីវកម្មចិញ្ចឹមមាន់នៅភូមិតាំងត្រពាំង ឃុំពេជ្រចង្វារ ស្រុកបរិបូណ៌ ខេត្តកំង់ឆ្នាំង ដោយមានការចូលរួមពីភ្នាក់ងារផ្សព្វផ្សាយ ក្រុមប្រឹក្សាឃុំ មេភូមិ និងសមាជិកបណ្តុំ ហើយពិធីនេះរៀបចំដោយអង្គការពន្លឺកុមារ អនុវត្តកិច្ចសន្យាជួលអ្នកក្រៅ (Contracting Out) ដោយយោងតាម ការណែនាំរបស់រដ្ឋាបាលខេត្ត និងគោលការណ៍ណែនាំ  ក្រសួងសុខាភិបាល ការផ្តល់ទុន សហវិនិយោគនេះ ចែកចេញជា២លើកក្នុង ១មួយលើក ២០នាក់។  ទុនសហវិនិយោគបានគាំទ្រលើកទី១ ដល់សាមាជិកបណ្តុំ ២០គ្រួសារ  ១គ្រួសារទទួលបាន កូនមាន់ ២១ថ្ងៃ ចំនួន២០ក្បាល  និងកសិកបង្ហាញ ទួលបានទូភ្ញាស់ ចំនួន១ អាចភ្ញាស់ពង បាន១ ០០០ពង និង មេបាចំនួន ៣០ក្បាល ហើយនារសៀល ថ្ងៃដដែល កញ្ញាអនុប្រធាន និងសហការី បានចុះត្រួតពិនិត្យកសិកបណ្តុំចិញ្ចឹមកង្កែប នៅឃុំកំពង់ព្រះគគី ស្រុកបរិបូណ៌ ខេត្ត កំពង់ឆ្នាំង  ក្នុងគោលបំណង៖ ពិនិត្យវឌ្ឍនភាព និង សំណេះសំណាល សួរសុខទុក្ខ, លើកទឹកសមាជិកបណ្តុំ ផ្តល់ផ្លាកជូនដល់ជូនគាត់។ តាមរយៈកាសង្កេតផ្ទាល់ បានឃើញថា កសិកយកចិត្តទុកដាក់ខ្ពស់ ក្នុងចិញ្ចឹមថែទាំកង្កែប តាមការណែនាំបច្ចេកទេសពីក្រុមការងារបច្ចេកទេស ក្នុងរយៈជាង២ខែមកនេះ កសិករមួយចំនួន បានប្រមូលផលលក់ជាបណ្តើរៗ  ក្នុងតម្លៃពី៩ ០០០រៀល ទៅ១០ ០០០រៀល ក្នុងមួយគីឡូក្រាម។