ថ្ងៃព្រហស្បតិ៍ ១៣រោច ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២ ខែធ្នូ ឆ្នាំ២០២១ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង និងសហការី បានចូលរួមពិធីដាំកូនឈើព្រៃលិចទឹកនៅតំបន់គោកព្រះ ក្រោមអធិបតីភាពឯកឧត្តម ណៅ ធួក រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង ស្ថិតក្នុងភូមិសាស្រ្តឃុំច្រណូក ស្រុកកំពង់លែង ខេត្តកំពង់ឆ្នាំង លើផ្ទៃដីប្រមាណជាង ២ ០០០ហិកតា កូនឈើសរុប៤ ១០០ដើម ដែលមានការចូលរួមពីអភិបាលរងខេត្ត ខណ្ឌរដ្ឋបាលជលផល មន្ទីរដែនដី មន្ទីរបរិស្ថាន អាជ្ញាធរស្រុកកំពង់លែង កងកំលាំងប្រដាប់អាវុធ ព្រមទាំងសិស្សានុសិស្សវិទ្យាល័យហ៊ុន សែន កំពង់លែង សរុបទាំងអស់ចំនួន ៥០០នាក់។