ថ្ងៃព្រហស្បតិ៍ ៨រោច ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៤ ខែកុម្ភៈ ឆ្នាំ២០២២ លោក ឯម វិចិត្រ នាយផ្នែករដ្ឋបាលព្រៃឈើកំពង់ត្រឡាច បានសហការជាមួយកម្លាំងការពារក្រុមហ៊ុនHMM បានចុះបោះបង្គោលព្រំដីចម្ការព្រៃដាំនៃស្ថានីយដាំឈើម្សៅក្រដាស ហ៊ុន សែន មានក ស្ថិតនៅឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង ដោយជាលទ្ធផលបោះបានចំនួន ២៤បង្គោល មានកម្លាំង៨នាក់ ប្រើប្រាស់ផែនទីមានក្បាលដីដែលវាស់វែងជំនាន់យុវជនបញ្ចូលក្នុងទូរស័ព្ទដៃចល័ត និងម៉ាស៊ីនខួង១គ្រឿង។