ថ្ងៃពុធ ១៤កេីត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៦ ខែមីនា ឆ្នាំ២០២២ ការិយាល័យផលិតកម្ម និងបសុព្យាបាល បានសហការជាមួយអាជ្ញាធរភូមិ ឃុំ និងភ្នាក់ងារសុខភាពសត្វភូមិ ចុះស្រង់ស្ថិតិសត្វឈឺ  និងត្រួតពិនិត្យស្ថានភាពជំងឺឆ្លងសត្វ គោ ក្របី នៅភូមិឯលិច  ឃុំ ច្រណូក ស្រុកកំពង់លែង ខេត្តកំពង់ឆ្នាំង ក្នុងគោលបំណង៖ ដើម្បីតាមដាន និងទប់ស្កាត់ការរីករាលដាលនៃជំងឺឆ្លង គោ ក្របី +ជាលទ្ធផល៖ កសិករ មាន  ៥២គ្រួសារ  មានសត្វសរុប ១ ១៧០ក្បាល ក្របី ១៨៥ក្បាល មានសត្វកំពុងឈឺចំនួន ២០៣ក្បាល ក្របី ៧៥ក្បាល តាមការសន្និដ្ឋាន របស់ជំនាញ ជាជំងឺអុតក្ដាម ហេីយក៏បានណែនាំអោយកសិករបន្តយកចិត្តទុកដាក់ក្នុងការថែទាំ  និងចែកថ្នាំ ប្លូមេទីឡែនសំរាប់លាបព្យាបាល  និងបាញ់ថ្នាំសំលាប់មេរោគជូនកសិករផងដែរ  ។ ថ្ងៃទី១៧ និង ១៨ ខែមីនានេះ ការិយាល័យចាត់មន្រ្តីខេត្តចុះជួយអន្តរាគមន៏បន្ថែម និងយកវត្ថុវិភាគផ្ញើជូនវិទ្យាស្ថានស្រាវជ្រាវសុខភាពសត្វ និងផលិតកម្មសត្វ ។