ថ្ងៃអង្គារ ៦រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៩ ខែកក្កដា ឆ្នាំ២០២២ លោក អែល យឿន ប្រធានការិយាល័យផ្សព្វផ្សាយកសិកម្ម និងក្រុមការងារថ្នាក់ខេត្ត និងថ្នាក់ជាតិ(ក្រសួងកសិកម្ម រុក្ខាប្រមាញ់ និងនេសាទ)របស់គម្រោងបែងចែកដីដើម្បីសង្គមកិច្ច និងការអភិវឌ្ឍន៍សេដ្ឋកិច្ច ដំណាក់កាលទី៣ LASED III  បានចុះវិភាគប្រព័ន្ធក្សេត្របរិស្ថាននៅតំបន់ដីសម្បទានសង្គមកិច្ច ស្ថិតនៅភូមិសាអង ឃុំប្រស្នឹប ស្រុករលាប្អៀរ ខេត្តកំពង់ឆ្នាំង ដោយមានការចូលរួមពីអាជ្ញាធរភូមិ ឃុំ និងប្រជាពលរដ្ឋ ក្នុងគោលបំណង ដើម្បីចង់ដឹងពីសក្តានុពលពិសេសនៅតំបន់នោះ(ភាពខ្លាំង ភាពខ្សោយ ឳកាស និងការគំរាមគំហែង) និងប្រមូលទិន្នន័យនិងព័ត៌មានឃុំមួយចំនួន។