ថ្ងៃព្រហស្បតិ៍ ១កើត ខែពិសាខ ឆ្នាំថោះ បញ្ចស័ក ព.ស ២៥៦៦ ត្រូវនឹងថ្ងៃទី២០ ខែមេសា ឆ្នាំ២០២៣ ការិយាល័យអភិវឌ្ឍន៍សហគមន៍កសិកម្ម បានសហការណ៍ជាមួយនាយកដ្ឋានអភិឌ្ឍន៍សហគមន៍កសិកម្ម បានប្រជុំផ្សព្វផ្សាយស្តីពី“ច្បាប់ស្តីពី សហគមន៍កសិកម្ម ដល់រដ្ឋបាលថ្នាក់ក្រោមជាតិ” ក្រោមអធិបតីយភាព លោកស្រី វង្ស ផល្លា អនុប្រធាននាយកដ្ឋានអភិវឌ្ឍន៍សហគមន៍កសិកម្ម និង កញ្ញា ហេង គឹមស្រៀង អនុប្រធានមន្ទីរកសិកម្មរុក្ខាប្រមាញ់និងនេសាទ នៅសាលប្រជុំមន្ទីរ ដោយមានការចូលរួមពីលោកអភិបាលរងស្រុក លោក/លោកស្រីប្រធានក្រុមប្រឹក្សាឃុំ ជំទប់ទី១ និងលោក/លោកស្រីតំណាងអោយការិយាល័យកសិកម្មធនធានធម្មជាតិ និងបរិស្ថានស្រុកបរិបូណ៍ ស្រុកកំពង់ត្រទ្បាច ស្រុករលាប្អៀរ និងស្រុកជលគិរី សរុបអ្នកចូលរួមទាំងអស់ ៣១នាក់(ស្រី០៤នាក់) ក្នុងគោលបំណង៖ ចង់អោយរដ្ឋបាលថ្នាក់ក្រោមជាតិ ស្វែងយល់កាន់តែច្បាស់ពីច្បាប់ស្តីពីសហគមន៍កសិកម្ម ងាយស្រួលអោយរដ្ឋបាលថ្នាក់ក្រោមជាតិជួយជម្រុញនិងពង្រឹងដល់សហគមន៍កសិកម្មក្នុងមូលដ្ឋានរបស់ខ្លួន៕
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម