​ថ្ងៃអង្គារ​ ០៤រោច ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៣ ខែតុលា ឆ្នាំ២០២៣ ការិយាល័យក្សេត្រសាស្ត្រ និងផលិតភាពកសិកម្ម បានបើកវគ្គបណ្តុះបណ្តាលដល់កសិករគោលដៅរបស់អង្គការ វី អេស អូ នៃគម្រោងហ្គ្រីន អំពីផលិតកម្មដំណាំបន្លែ នៅភូមិកោះតាម៉ូវ ឃុំកំពង់ព្រះគគីរ ស្រុកបរិបូណ៌ ខេត្តកំពង់ឆ្នាំង ដោយមានកសិករចូលរួមសរុបមានចំនួន ២២រូប ស្រី១៩រូប ហើយលទ្ធផល៖ - កសិករទទួលបានចំណេះដឹងលើកការដាំដុះដំណាំត្រសក់ និងល្ពៅតាមបច្ចេកទេស, - ស្គាល់ពីប្រភេទជម្ងឺ និងសត្វល្អិតដែលបំផ្លាញ់លើដំណាំត្រសក់ ល្ពៅ ព្រមទាំងវិធានការការពារ និងកម្ចាត់ និង- យល់ដឹងពីការប្រើប្រាស់ថ្នាំកសិកម្មអោយមានប្រសិទ្ធភាព និងសុវត្ថិភាព។