ថ្ងៃព្រហស្បតិ៍ ០៥កេីត ខែ អស្សុជ ឆ្នាំ ថោះ បញ្ចស័ក ព.ស ២៥៦៧ ត្រូវនឹងថ្ងៃទី១៩ ខែតុលា ឆ្នាំ២០២៣ ការិយាល័យអភិវឌ្ឍន៍សហគមន៍ និងការិយាល័កសិ-ឧស្សាហកម្ម បានចូលរួមដំណេីរទស្សនកិច្ចសិក្សាស្វែងយល់ភាពជាដៃគូ រវាងវិស័យសាធារណ: វិស័យឯកជន និងក្រុមផលិត នៃកម្មវិធី ហ្វែហ្វអល អាសុី(FAIR FOR ALL) នៅ សហគមន៍កសិកម្មក្រាំងលាវសាមគ្គី ស្ថិតនៅភូមិក្រាំងលាវ ឃុំក្រាំងលាវ ស្រុករលាប្អៀរ ខេត្តកំពង់ឆ្នាំង ក្រោមការឧបត្ថម្ភពីអង្គការ អុកស្វាម(Oxfarm) និងFNN ដែលមានការចូលរួមពីតំណាងប្រទេសកម្ពុជា ឥណ្ឌា ឥណ្ឌូនេសុី កេនយ៉ា ភូមា ហូទ្បង់ ចក្រភពអង់គ្លេស វៀតណាម ស្វីស ថៃ និងប្រទេសនេប៉ាល់, តំណាងអង្គការអុកស្វាម និង FNN , និងសហគមន៍ក្រាំងលាវសាមគ្គី សរុបអ្នកចូលរួម ៤៦នាក់(ស្រី០៩នាក់) ក្នុងគោលបំណង៖ -ស្វែងយល់ពីដំណេីរប្រព្រឹត្តទៅរបស់សហគមន៍ ការដឹកនាំ និងគ្រប់គ្រង, -ស្វែងយល់ខ្សែចង្វាក់តម្លៃកសិកម្ម ខ្សែចង្វាក់តម្លៃផ្គត់ផ្គង់ និងអាជីវកម្មសហគមន៍កសិកម្ម និង-ផ្លាស់ប្តូរបទពិសោធន៍ភាពជាដៃគូរវាងវិស័យសាធារណ: វិស័យឯកជន និងក្រុមផលិត ហើយជាលទ្ធផល៖ សហគមន៍កសិកម្មក្រាំងលាវសាមគ្គីបានចែករំលែកពីដំណេីរប្រព្រឹត្តទៅនៃការធ្វេីអាជីវកម្មមុខរបររបស់សហគមន៍ និងបញ្ហាប្រឈមនានា។ ក្នុងនោះផងដែរការិយាល័យអភិវឌ្ឍន៍សហគមន៍កសិកម្ម និងការិយាល័យកសិ-ឧស្សាហកម្មបានចែករំលែកពីការគាំទ្រ និងកិច្ចសហការណ៍ក្នុងការជម្រុញដល់សហគមន៍កសិកម្មក្នុងការចងក្រងក្រុមផលិត ដេីម្បីឈានទៅដល់ការធ្វេីកសិកម្មតាមកិច្ចសន្យា។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម