ថ្ងៃ​ពុធ ០៥កើត ខែអាសាឍ ឆ្នាំរោង ឆស័ក ព.ស. ២៥៦៨ ​ត្រូវនឹងថ្ងៃ​ទី១០ ខែកក្កដា ឆ្នាំ២០២៤ ​ខណ្ឌរដ្ឋបាលជលផលកំពង់ឆ្នាំង បានចុះពិនិត្យស្រាវជ្រាវ និងវាស់វែងដីទំនាស់ និងទីតាំងដុតព្រៃលិចទឹក ក្រោមការដឹកនាំដោយលោក កែវ វ៉ាន្នី ព្រះរាជអាជ្ញារងតំណាងអយ្យការអមសាលាដំបូង ដែលស្ថិតភូមិកំពង់រាំង ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ដោយមានការចូលរួមពីតំណាងរដ្ឋបាលខេត្តកំពង់ឆ្នាំង រដ្ឋបាលស្រុករលាប្អៀរ និងអាជ្ញាធរពាក់ព័ន្ធ និងប្រជាពលរដ្ឋចំនួន៣១នាក់។