ថ្ងៃពុធ ៨កើត ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៥ ខែកុម្ភៈ ឆ្នាំ២០២៥ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង និងសហការី បានចុះអមដំណើរឯកឧត្តម ឱម គឹមស៊ា រដ្ឋលេខាធិការ និងឯកឧត្តម គង់ ចាន់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចុះជួបសំណេះសំណាលជាមួយប្រជាកសិករក្នុងភូមិសាស្ត្រខេត្តកំពង់ឆ្នាំង ចំនួន០៣កម្មវិធីៈកម្មវិធីទី០១ ជួបប្រជាពលរដ្ឋ យកគោក្របី មកចាក់វ៉ាក់សាំងជម្ងឺសារទឹកគោក្របី នៅឃុំគោកបន្ទាយ។កម្មវិធីទី០២ ជួបជាមួយប្រជាកសិករ ប្រមូលផលស្រូវប្រាំង និងមន្ត្រីកសិកម្មឃុំ នៅឃុំគោកបន្ទាយ។កម្មវិធីទី០៣ ជួបកសិករគំរូ ចិញ្ចឹមមាន់នៅឃុំស្រែថ្មី។ចំណែកការប្រមូលផលស្រូវប្រាំងរបស់ប្រជាកសិករ ពុំមានការជួបបញ្ហាតម្លៃទេដោយសារប្រជាកសិករនៅតំបន់នោះ ដាំដុះពូជស្រូវផ្កាក្រវ៉ាន់ ដែលលក់ចេញបានតម្លៃសើមក្នុង១គីឡូក្រាម ចំនួន១០២០រៀល ក្នុងឱកាសពេលនេះដែរ ឯកឧត្តម បានលើកទឹកចិត្តប្រជាកសិករនៅតំបន់នោះ មកដាំដុះដំណាំស្រូវអោយប្រើប្រាស់ពូជស្រូវក្នុងស្រុករបស់យើងវិញគឺពូជសែនក្រអូប ០១ សម្រាប់ការនាំចេញ ក៏ដូចជារក្សាតម្លៃបានល្អជាងពូជផ្សេងៗទៀត ក្នុងរដូវប្រាំងយើងនេះ។