ថ្ងៃពុធ ៧រោច ខែមាឃ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែកុម្ភៈ ឆ្នាំ២០២៥ ខណ្ឌរដ្ឋបាលជលផលកំពង់ឆ្នាំងសហការជាមួយអធិការរដ្ឋានរដ្ឋបាលជលផលខាងត្បូងបឹងទន្លេសាប និងបរិស្ថាន ដឹកនាំដោយលោក ឈិន តួ នាយរងអធិការ កម្លាំងសរុបចំនួន១១នាក់ និងមធ្យោបាយកាណូតចំនួន ០២គ្រឿង បានចុះប្រតិបត្តិការប្រទះឃើញមានការដាក់សម្រាស់ នៅចំណុចក្បាលកោះក្រមុំ រហូតដល់ចុងព្រែកទាល់ ភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង ។ បន្ទាប់មកសមត្ថកិច្ចយើងបានឯកភាពគ្នារុះរើនិងបំផ្លាញចោលឧបករណ៍នេសាទខុសច្បាប់នៅនឹងកន្លែង។ក្រុមការងារសង្កាត់រដ្ឋបាលជលផលចុងកោះ កម្លាំងសរុបចំនួន០៣នាក់ និងមធ្យោបាយកាណូតចំនួន ០១គ្រឿង បានចុះប្រតិបត្តិការប្រទះឃើញសម្រាស់នៅចំណុចទន្លេចុងកោះត្រើយខាងកើត ភូមិទី៧ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង។ បន្ទាប់មកសមត្ថកិច្ចយើងបានឯកភាពគ្នារុះរើ និងបំផ្លាញចោលឧបករណ៍នេសាទខុសច្បាប់នៅនឹងកន្លែង។ទទួលបានលទ្ធផលសម្រាស់ចំនួន២ករណី ស្មើនឹង២១កន្លែង ទំហំ១២៥០ម៉ែត្រការ៉េ មែកសម្រាស់ចំនួន៦៣០មែក បង្គោលចំនួន២៣៥ដើម ខ្សែប្រវែង ៥៨០ម៉ែត្រ។